અમદાવાદ એરપોર્ટ પર ફ્લાઈટ પકડવાની દોડાદોડીમાં ટ્રાફિકમાં નહીં ફસાય પેસેન્જર્સ
સરદાર વલ્લભભાઈ પટેલ ઈન્ટરનેશનલ એરપોર્ટ પર હવે ફાસ્ટેગ આધારિત પાર્કિંગ ફેસિલિટી શરૂ થવા જઈ રહી છે. ટાઈમ્સ ઓફ ઈન્ડિયાના અહેવાલ અનુસાર, આવતા અઠવાડિયાથી જ અમદાવાદ એરપોર્ટ પર ફાસ્ટેગ આધારિત પાર્કિંગ ફેસિલિટી શરૂ કરી દેવાનું આયોજન છે. એરપોર્ટના સંચાલન સાથે સંકળાયેલા સૂત્રોનો દાવો છે કે ફાસ્ટેગ આવી જવાથી પાર્કિંગના એન્ટ્રી કે એક્ઝિટ પોઈન્ટ પર ટ્રાફિકજામના દ્રશ્યો જોવા નહીં મળે, અને વાહનચાલકો ફટાફટ એન્ટ્રી કે એક્ઝિટ પોઈન્ટ પરથી પસાર થઈ શકશે. મુંબઈ એરપોર્ટ પર ગત ડિસેમ્બરમાં ફાસ્ટેગ આધારિત પાર્કિંગ શરૂ કરાયું હતું, એપ્રિલ 2023માં મેંગલોર એરપોર્ટ પર પણ આ ફેસિલિટી શરૂ કરવામાં આવી છે. અમદાવાદ એરપોર્ટમાં પાર્કિંગ ફેસિલિટીનું ઓટોમેશન કરવાના પ્રોજેક્ટમાં ફાસ્ટેગ આધારિત પાર્કિંગ પણ સમાવિષ્ટ હતું.ahmedabadTimesXP GujaratiUpdated: 17 May 2023, 6:24 pm