નવ લોકોના ભોગ લેનારા તથ્ય પટેલને બચાવવાના પ્રયાસ? પોલીસ પર કેમ ઉઠ્યા સવાલ?
1105 views
અમદાવાદ ના વિડીયોને સબસ્ક્રાઈબ કરોનવ નિર્દોષોને કચડી નાખવાનો જેના પર આરોપ છે તેવા તથ્ય પટેલને એક તરફ કડકમાં કડક સજા ફટકારાય તેવું લોકો ઈચ્છી રહ્યા છે ત્યારે આ મામલે હવે મૃતકોના પરિવારજનોએ એક ચોંકાવનારો આક્ષેપ કર્યો છે. તથ્ય પટેલના ત્રણ દિવસના રિમાન્ડ શુક્રવારે સાંજે કોર્ટ દ્વારા મંજૂર કરવામાં આવ્યા હતા. જોકે, અકસ્માત થયો તે વખતે તથ્ય દારૂના નશામાં હતો કે કેમ તે જાણવા માટે તેનું બ્લડ સેમ્પલ લેવામાં ૨૨ કલાક મોડું કેમ કરવામાં આવ્યું તેવો સવાલ મૃતકના પરિવારજનો કરી રહ્યા છે. બીજી તરફ, ટ્રાફિક પોલીસ અધિકારીઓનું એવું કહેવું છે કે અકસ્માત થયો તેના ગણતરીના સમયમાં જ તથ્યને એસજી હાઈવે પર આવેલી એક ખાનગી હોસ્પિટલમાં લઈ જવાયો હતો, જ્યાં તેને ડ્રિપ્સ ચઢાવવામાં આવ્યા હતા અને તે સાંજે સાડા પાંચ વાગ્યા સુધી હોસ્પિટલમાં જ એડમિટ હતો. તથ્યએ 20 જુલાઈએ રાત્રે લગભગ દોઢ વાગ્યાની આસપાસ અકસ્માત કરી નવ લોકોને ઉડાવી માર્યા હતા, તેને હોસ્પિટલમાંથી ડિસ્ચાર્જ કરાયા બાદ છેક સાંજે પોલીસ દ્વારા તેની સત્તાવાર રીતે ધરપકડ કરવામાં આવી હતી. તથ્ય અને તેના પિતા પ્રજ્ઞેશ પટેલની એસજી હાઈવે-2 ટ્રાફિક પોલીસ સ્ટેશન દ્વારા ધરપકડ કરાઈ હતી અને રાત્રે ૧૦ વાગ્યા સુધી તે બંનેને પીએસઓની ચેમ્બરમાં જ બેસાડી રાખવામાં આવ્યા હતા. ત્યારબાદ તેમને રાત્રે જે જગ્યાએ અકસ્માત થયો હતો તે ઈસ્કોન ઓવરબ્રિજ પર લઈ જવાયા હતા, તેમને ઉઠબેસ પણ કરાવાઈ હતી પરંતુ સવાલ એ છે કે શું તથ્યનું બ્લડ સેમ્પલ લેવાની પોલીસને ઉતાવળ નહોતી?
રિલેટેડ વીડિયો
કેમ સ્માર્ટ મીટર સામે આક્રોશ વ્યક્ત કરી રહ્યા છે ગ્રાહકો?અમદાવાદ
તગડા વળતરની લાલચમાં અમદાવાદના CAને લાગ્યો બે કરોડનો ચૂનોઅમદાવાદ
અમદાવાદમાં કેમ વકરી રહી છે પાર્કિંગની સમસ્યા?અમદાવાદ
પાવર આઉટેજથી ત્રસ્ત થયા બોપલ અને શેલાના રહેવાસીઓઅમદાવાદ
સનાથલ રોડ પહોળો કરવાનો પ્રોજેક્ટ ખોરંભે ચડ્યોઅમદાવાદ
પાલડીની 78 વર્ષ જૂની સોસાયટી આવી વિવાદમાં, હાઈકોર્ટ પહોંચ્યો મામલોઅમદાવાદ
વેકેશન માણવા યુરોપને પડતું મૂકી દક્ષિણ-પૂર્વ એશિયા જઈ રહ્યા છે ગુજરાતીઓઅમદાવાદ
GPCBને ખેડૂતને 20 લાખનું વળતર ચૂકવવા આદેશઅમદાવાદ
શા માટે ગુજરેરાએ ગુજરાતના 25થી વધુ ડેવલપર્સ સામે શરૂ કાર્યવાહી?અમદાવાદ
હવે ક્ષત્રિય વિરુદ્ધ રૂપાલા નહીં, પરંતુ ક્ષત્રિય વિરુદ્ધ ભાજપઅમદાવાદ
પોતાના બાળકોના પગલે દીક્ષા લેશે ત્રણ જૈન દંપતીઅમદાવાદ