અમેરિકા ગેરકાયદે રીતે રહેતા લોકો રાહત મળવાની હાલ કોઈ શક્યતા છે ખરી?
1007 views
news videos ના વિડીયોને સબસ્ક્રાઈબ કરોએક અંદાજ અનુસાર, અમેરિકામાં હાલ 1 કરોડથી પણ વધુ અનડોક્યુમેન્ટેડ ઈમિગ્રન્ટ રહે છે. અમેરિકા જનારા લગભગ બધા લોકોને એવી જ આશા હોય છે કે તેઓ ત્યાં ગમે તેમ કરીને સિટીઝનશીપ લઈ લેશે કે પછી કદાચ સરકાર કોઈ કાયદો લાવીને અનડોક્યુમેન્ટેડ ઈમિગ્રન્ટ્સને મોટી રાહત આપશે. છેલ્લે અમેરિકાએ 1986માં ઈમિગ્રેશન એન્ડ રિફોર્મ કંટ્રોલ એક્ટ હેઠળ કેટલાક ઈમિગ્રેશન સુધારા અમલી બનાવ્યા હતા, તે વખતે પીઆર કે પછી સિટીઝનશીપની રાહ જોઈ રહેલા લગભગ 30 લાખથી પણ વધુ લોકોને તેનો મોટો ફાયદો મળ્યો હતો. 1986 પછી પણ અમેરિકાની સંસદમાં આ જ પ્રકારના કાયદાની દરખાસ્ત રજૂ કરવામાં આવી હતી, પરંતુ તેમાં આગળ કોઈ નક્કર કામગીરી ના થઈ શકી. એક તરફ ગુજરાતથી પણ ગેરકાયદે રીતે અમેરિકા જતાં લોકોને એજન્ટો એવી વાતો કહેતા હોય છે કે ત્યાં શરણાગતિ માગીને ભવિષ્યમાં સિટીઝન થઈ શકાશે, કે પછી ભવિષ્યમાં જો કોઈ કાયદો આવશે તો તેનો ફાયદો મળી જશે. પરંતુ હકીકત એ છે કે અમેરિકામાં આવો કોઈ કાયદો આવશે કે કેમ અને આવશે તો ક્યારે આવશે તે અંગે ત્યાંના ઈમિગ્રેશન એક્સપર્ટ્સ પણ કંઈ બોલવા માટે તૈયાર નથી.