ફેક લેટર પર કેનેડાના સ્ટૂડન્ટ વિઝા લેનારા 700 ઈન્ડિયન્સને કોઈ રાહત નહીં
કેનેડામાં ડિપોર્ટેશનનો સામનો કરી રહેલા સેંકડો ભારતીય સ્ટૂડન્ટ્સ પાસે બીજો કોઈ ઓપ્શન ના રહેતા આખરે આ સ્ટૂડન્ટ્સ કેનેડા બોર્ડર સર્વિસ એજન્સીની હેડ ઓફિસ સામે ધરણા પર બેસી ગયા છે. 700 જેટલા ઈન્ડિયન સ્ટૂડન્ટ્સને આગામી દિવસોમાં ડિપોર્ટ કરવામાં આવે તેવી શક્યતા છે, જેમાંના મોટાભાગના પંજાબના છે. આ તમામ લોકો પર ફેક ઓપર લેટરના આધારે કેનેડાની કોલેજ-યુનિવર્સિટીમાં એડમિશન લેવાનો આરોપ છે. જોકે, સ્ટૂડન્ટ્સનો દાવો છે કે તેમને એજન્ટ દ્વારા છેતરવામાં આવ્યા છે.. તેમનું એડમિશન ફેક ઓફર લેટર પર થયું છે તેની તો તેમને ભણવાનું પૂરું થયું ત્યાં સુધી પણ જાણ નહોતી થઈ. આ તમામ સ્ટૂડન્ટ્સ પોતાનું ભણવાનું પૂરૂં કરી ચૂક્યા છે, તેમણે કેનેડામાં વર્ક પરમિટ પણ મેળવી લીધી હતી પરંતુ જ્યારે તેમણે પીઆર માટે એપ્લાય કર્યું ત્યારે તેમના ડોક્યુમેન્ટ્સની ચકાસણીમાં આ કાંડ બહાર આવ્યો હતો. આ સ્ટૂડન્ટ્સને 13 જૂનથી એક પછી એક ડિપોર્ટ કરવામાં આવશે, સૌ પહેલા લવપ્રીત સિંહ નામનો પંજાબી યુવક ડિપોર્ટ થવાનો છે અને તેના પછી બીજા ડઝનબંધ લોકોને ઈન્ડિયા રવાના કરવામાં આવશે.news videosTimesXP GujaratiUpdated: 9 Jun 2023, 11:42 am