વલસાડના તૌફિક શેખને પરણનારી નાની દમણની મૃગનયની પટેલ પોલીસ પ્રોટેક્શન માટે હાઈકોર્ટ પહોંચી
સમાચાર વીડિયો ના વિડીયોને સબસ્ક્રાઈબ કરો
લવમેરેજ કરનારા અલગ-અલગ ધર્મના પતિ-પત્નીએ પોલીસ પ્રોટેક્શન મેળવવા માટે ગુજરાત હાઈકોર્ટમાં અરજી કરી છે આ કપલની ફરિયાદ છે કે તેમને માત્ર યુવતીના પિતાથી જ નહીં, પરંતુ અલગ-અલગ સામાજિક અને ધાર્મિક સંસ્થાઓથી પણ ખતરો છે. આ કપલના વકીલ મનન પનેરીના જણાવ્યા અનુસાર, વલસાડમાં રહેતા તૌફિક શેખે નાની દમણની રહેવાસી મૃગનયની પટેલ સાથે સપ્ટેમ્બર 2023માં લવમેરેજ કરીને સ્પેશિયલ મેરેજ એક્ટ હેઠળ તેનું રજિસ્ટ્રેશન કરાવ્યું હતું. જોકે, યુવતીના પરિવારજનો આ લગ્નની વિરૂદ્ધમાં હતાં, પરંતુ તેમના વિરોધને અવગણીને યુવતીએ તેના પ્રેમી સાથે લગ્ન કર્યા હતા. મૃગનયની વિરૂદ્ધ તેના પિતાએ ગયા મહિને જ ચોરીનો આરોપ મૂકી સગી દીકરી વિરૂદ્ધ નાની દમણ પોલીસ સ્ટેશનમાં ફરિયાદ નોંધાવી હતી.