દલિતને ફટકારવાનો મામલો: રાણીબાને મોરબીની કોર્ટે ત્રણ દિવસના રિમાન્ડ પર મોકલ્યા
1017 views
સમાચાર વીડિયો ના વિડીયોને સબસ્ક્રાઈબ કરોપગાર માગવા આવેલા દલિત યુવકને ઢોર માર મારી તેને પોતાના જૂતા ચાટવાની ફરજ પાડવાના કેસમાં આરોપી વિભૂતિ સિતાપરા ઉર્ફે રાણીબા, તેના ભાઈ ઓમ સિતાપરા અને ભાગીદાર રાજ પડશાલના ત્રણ દિવસના રિમાન્ડ મોરબીની કોર્ટ દ્વારા મંજૂર કરવામાં આવ્યા છે. આ ત્રણેય આરોપીઓની ૨૭ નવેમ્બરના રોજ પોલીસ દ્વારા ધરપકડ કરવામાં આવી હતી, અને તેમને કોર્ટ સમક્ષ રજૂ કરીને પાંચ દિવસના રિમાન્ડ માગવામાં આવ્યા હતા, જોકે કોર્ટે ત્રણ દિવસના રિમાન્ડ મંજૂર રાખ્યા હતા. વિભૂતિ ઉર્ફે રાણીબા સામે તેની કંપનીમાં સેલ્સ મેનેજર તરીકે કામ કરતા નિલેશ દલસાણિયાએ ફરિયાદ નોંધાવી હતી. ફરિયાદીનો આક્ષેપ હતો કે રાણીબા સહિતના શખસોએ તેને ૨૨ નવેમ્બરના રોજ બેલ્ટ વડે ફટકાર્યો હતો, અને રાણીબાએ તેને પોતાના જૂતા ચાટવાની ફરજ પાડી હતી. નિલેશે ૧૮ દિવસનો બાકી નીકળતો પગાર માગતા તેના પર અમાનુષી ત્રાસ ગુજારવામાં આવ્યો હોવાનું પણ ફરિયાદમાં જણાવાયું છે.