ચૂંટણી જીતવા હજુ કઈ હદ સુધી જશે ડોનાલ્ડ ટ્રમ્પ? હવે માઈગ્રન્ટ્સને કહી દીધા જાનવર
સમાચાર વીડિયો ના વિડીયોને સબસ્ક્રાઈબ કરો
ચૂંટણી જીતવા માટે નેતાઓ ગમે તે કરવા તૈયાર રહેતા હોય છે અને અમેરિકા જેવો દેશ પણ તેમાંથી બાકાત નથી. દેશના ભૂતપૂર્વ પ્રમુખ રહી ચૂકેલા ડોનાલ્ડ ટ્રમ્પ હવે ફરી સત્તા પ્રાપ્ત કરવા માટે આકાશ-પાતાળ એક કરી રહ્યા છે ત્યારે વોટર્સમાં પોપ્યૂલર થવા માટે ડોનાલ્ડ ટ્રમ્પે ઈમિગ્રન્ટ્સને ટાર્ગેટ બનાવ્યા છે. એ વાત સૌ કોઈ જાણે છે કે અમેરિકા ઈમિગ્રન્ટ્સનો દેશ છે અને તેની ઈકોનોમીમાં અનડોક્યુમેન્ટેડ ઈમિગ્રન્ટ્સનો પણ સારો એવો ફાળો છે, પરંતુ ડોનાલ્ડ ટ્રમ્પ ઈમિગ્રન્ટ્સને ક્યારેક જાનવર તો ક્યારેક પાગલખાનાં અને જેલમાંથી ભાગીને આવેલા લોકો કહી રહ્યા છે, એટલું જ નહીં ટ્રમ્પનું તો એવું પણ માનવું છે કે માઈગ્રન્ટ્સ અમેરિકાના લોહીમાં ઝેર ભેળવી રહ્યા છે. ટ્રમ્પને ખાસ તો મેક્સિકો બોર્ડર ક્રોસ કરીને આવતા માઈગ્રન્ટ્સ જરાય પસંદ નથી, અને તેમાં ભારતીયો પણ બાકાત નથી.