Ep 6: આખરે એક દિવસ સાહિલની ધીરજ ખૂટી ગઈ, તે કંઈક અજૂગતું કરવાની તૈયારીમાં હતો
1009 views
સમાચાર વીડિયો ના વિડીયોને સબસ્ક્રાઈબ કરોકપરા સમયમાં કોઈ મદદનો હાથ લંબાવે ત્યારે કોઈપણ વ્યક્તિ એક રીતે મદદ કરનારાના અહેસાનના ભાર હેઠળ દબાઈ જતો હોય છે. આ સ્થિતિમાં જ્યારે તેને ખબર પડે પોતાને મદદ કરનારો માણસ ખરેખર તો મદદના નામે પોતાનો જ સ્વાર્થ સાધી રહ્યો છે ત્યારે મદદ માગનારો બધી બાજુ ફસાઈ જતો હોય છે. સાહિલની હાલત પણ કંઈક આવી જ થઈ ચૂકી હતી. ભાવિને તેની પાસે ટ્રેનિંગના નામે અઠવાડિયું મફતમાં કામ કરાવીને તેનો બધો કસ કાઢી નાખ્યો હતો, અને પગારની પણ તેણે કોઈ ચોખવટ નહોતી કરી. સાહિલે 11 માર્ચથી ભાવિનના સ્ટોર પર જવાનું શરૂ કર્યું હતું, 17 માર્ચે તેને અઠવાડિયું પૂરૂં થઈ ચૂક્યું હતું. સાહિલને લાગ્યું કે જો હવે તેણે સામેથી સેલેરીની વાત ના કરી તો ભાવિન તેની પાસે મફતમાં જ કામ કરાવે રાખશે. જેથી સાહિલે બધી શરમ છોડીને આખરે 18મી તારીખે ભાવિનને કહી જ દીધું કે હવે તેને સ્ટોરનું બધું કામકાજ ફાવી ગયું છે, અને તે એકલા હાથે સ્ટોર પણ ચલાવી શકે તેમ છે. જેથી હવે જો તેનો પગાર નક્કી કરવામાં આવે તો તે સેલેરી અનુસાર પોતાનું આગળનું પ્લાનિંગ કરી શકે. સાહિલના મોઢે પગારની વાત સાંભળી ભાવિનના ચહેરાની રેખાઓ બદલાઈ ગઈ, તેને કદાચ સાહિલનો આ સવાલ પસંદ નહોતો આવ્યો.