UKમાં રહેતા એક ગુજરાતી વડીલ સંબંધીને મદદ કરવા જતાં બરાબરના ફસાઈ ગયા
1137 views
સમાચાર વીડિયો ના વિડીયોને સબસ્ક્રાઈબ કરોવિદેશ જતાં મોટાભાગનાં ગુજરાતીઓ એવી ફરિયાદ કરતાં હોય છે કે ત્યાં રહેતા સગા-સંબંધી મદદ કરવાને બદલે હંમેશા અડચણો ઉભી કરતા હોય છે. જોકે, UK આવેલા પોતાના એક સગાને મદદ કરવા જતાં એક ગુજરાતીને એવો કડવો અનુભવ થયો છે કે હવે તેમણે આખી જિંદગી કોઈને પણ મદદ ના કરવાનું નક્કી કરવાનો વારો આવ્યો છે. લંડન નજીકના એક ટાઉનમાં રહેતા આ વ્યક્તિએ પોતાનો અનુભવ IamGujarat સાથે શેર કરતા જણાવ્યું હતું કે તેમના નજીકના સંબંધીના દીકરા-વહુ એક બાળક સાથે મે 2022માં યુકે આવ્યા હતા, જેમને તેમણે પોતાના મકાનમાં રહેવા અને જમવાની વ્યવસ્થા કરી આપી હતી. સંબંધોની શરમમાં તેમણે પોતાના આ સંબંધી સાથે પહેલા મહિનાનું ભાડું પણ નહોતું લીધું, અને બીજા મહિને માત્ર 350 પાઉન્ડ લીધા હતા. યુકેમાં હાલ એક ફેમિલીને રહેવા-જમવાનો ખર્ચો 800-900 પાઉન્ડ જેટલો આવે છે ત્યારે યુકેમાં રહેતા આ ગુજરાતીએ છેક ચોથા મહિનાથી પોતાના ઘરે રહેતા સંબંધીનું ભાડું વધારીને 550 પાઉન્ડ કર્યું હતું.