અમેરિકામાં બે મોટેલ ચલાવતા અને લાખો ડોલર કમાતા ગુજરાતીને કેમ જેલમાં જવું પડ્યું?
સમાચાર વીડિયો ના વિડીયોને સબસ્ક્રાઈબ કરો
લાલચ બૂરી બલા છે.. આ વાત જાણે તો સૌ કોઈ છે પણ સમજતું કદાચ કોઈ નથી. તેમાંય વાત જો પૈસાની આવે તો ભલભલા કરોડપતિઓ પણ પોતાની લાલચ રોકી નથી શકતા અને ક્યારેક થોડા પૈસા બચાવવાના ચક્કરમાં પોતાનું જ મોટું નુક્સાન કરી બેસે છે. અનિલ પટેલ નામના અમેરિકામાં સેટલ થયેલા એક ધનવાન NRI સાથે પણ કંઈક આવું જ થયું હતું, જેમણે ટેક્સ બચાવવાના ચક્કરમાં એક એવો કાંડ કર્યો હતો કે જેના લીધે તેમને કોર્ટે ૧૩ મહિનાની જેલની સજા ફટકારી હતી. અમેરિકામાં સેટલ થઈ ગયેલા કેટલાક ગુજરાતીઓ પોતાની લાખો ડોલરની કમાણી હોવા છતાંય ટેક્સ બચાવવા તેમજ વધારે પૈસા કમાવવા માટે કેવા ખેલ કરે છે તેના આ ચોંકાવનારા કિસ્સામાં વર્ષ ૨૦૧૦માં અનિલ પટેલ અને તેમના પત્ની માયાબેન પટેલની ધરપકડ કરવામાં આવી હતી. અનિલ પટેલે તેમના પર જે આરોપ લગાવાયા હતા તે કબૂલી લીધા હતા અને કોર્ટે ૧૧ ડિસેમ્બર ૨૦૧૩ના રોજ તેમને ૧૩ મહિનાની જેલની સજા કરી હતી.