ટ્રેન્ડિંગ

Ep 1: જ્યારે અમેરિકા પહોંચીને શરૂ થયો એક ગુજરાતી પરિવારની જિંદગીનો સૌથી કપરો સમય

Name: Ep 1: જ્યારે અમેરિકા પહોંચીને શરૂ થયો એક ગુજરાતી પરિવારની જિંદગીનો સૌથી કપરો સમય
Uploaded: 2024-01-29T19:05:11+05:30
Duration: 14 min 51 s
Channel: નવરંગ સેન

1062 views

સમાચાર વીડિયો ના વિડીયોને સબસ્ક્રાઈબ કરો

લાઈક કરો
કોમેન્ટ્સ કરો
શેર કરો

25 ફેબ્રુઆરી 2016નો તે દિવસ હતો, બપોરના લગભગ સાડા બાર વાગ્યા હતા.. અમેરિકાના સીએટલ શહેરના ટાકોમા ઈન્ટરનેશનલ એરપોર્ટ પર એક ગુજરાતી યુવક તેની ન્યૂયોર્કની ફ્લાઈટની રાહ જોઈ રહ્યો હતો. તેની ફ્લાઈટ બપોરે ત્રણેક વાગ્યે ટેક-ઓફ થવાની હતી, પરંતુ એરપોર્ટ પર એક-એક સેકન્ડ ગણી-ગણીને કાઢી રહેલો તે યુવક અઢી કલાક સુધી રાહ જોઈ શકે તેમ નહોતો. જિંદગીમાં ક્યારેય ના થઈ હોય તેટલી ગભરામણ તેને તે વખતે થઈ રહી હતી, અને સીએટલની હાડકા થીજવી નાખે તેવી ભયાનક ઠંડીમાં પણ તેને પરસેવો થઈ રહ્યો હતો. વારંવાર ચશ્મા ઉતારીને પોતાના ચહેરા પર રૂમાલ ફેરવી રહેલા તે યુવકનું નામ હતું અમિત પટેલ.. જેને બસ ગમે તેમ કરીને બને તેટલું જલ્દી ન્યૂયોર્ક પહોંચવું હતું, પણ સ્થિતિ તેના હાથમાં નહોતી. બપોરે સીએટલ એરપોર્ટ પર ફ્લાઈટ પકડવા પહોંચેલો અમિત બે દિવસથી સૂઈ નહોતો શક્યો, તેના મગજમાં તેની પત્નીએ 23 ફેબ્રુઆરીએ સાંજે વોટ્સએપ પર મોકલેલા કેટલાક ફોટોગ્રાફ્સ એવા ભમી રહ્યા હતા કે તેનું મન ક્યાંય સ્થિર જ નહોતું થઈ રહ્યું, અને અમિત ન્યૂયોર્ક ના પહોંચે ત્યાં સુધી તેને શાંતિ પણ નહોતી થવાની.. જોકે, ન્યૂયોર્કમાં પગ મૂકતા જ અમિતની જિંદગીનું સૌથી ભયાનક પ્રકરણ શરૂ થવાનું હતું, અને તેની શરૂઆત એક રીતે તો 23 ફેબ્રુઆરી 2016ની સાંજે જ થઈ ચૂકી હતી.

news videosAuthored byનવરંગ સેનTimesXP GujaratiUpdated: 29 Jan 2024, 7:05 pm