અમેરિકામાં પતિથી અલગ રહેતી ગુજરાતી યુવતીઓને કયા સ્કેન્ડલમાં સામેલ કરી રહ્યા છે અમુક ભેજાબાજો?
1038 views
સમાચાર વીડિયો ના વિડીયોને સબસ્ક્રાઈબ કરોશિકાગોમાં રહેતા અને અમેરિકાની સિટીઝનશીપ ધરાવતા એક ગુજરાતી યુવકે ઈન્ડિયા આવીને મેરેજ કર્યા બાદ 2022માં તેની પત્નીને પણ અમેરિકા બોલાવી હતી. છએક મહિના સુધી તેમની વચ્ચે બધું બરાબર ચાલ્યું હતું, પરંતુ ત્યારબાદ તેમની વચ્ચે ઝઘડા થવા લાગ્યા હતા અને ગ્રીન કાર્ડ આવી ગયા બાદ એક દિવસ આ યુવકની પત્ની તેને કશુંય કહ્યા વિના જ રાતોરાત ઘર છોડીને જતી રહી હતી. આ યુવકની પત્ની માંડ બારમા ધોરણ સુધી ભણેલી હતી ,ઈંગ્લિશમાં તેને ખાસ ટપ્પો નહોતો પડતો પણ જ્યારે તેના પતિએ તેનો સંપર્ક કરવાની કોશીશ કરી ત્યારે તેણે પોલીસને જાણ કરવાથી લઈને કોર્ટમાં પણ તેની સામે કેસ કરી નાખ્યો હતો. ત્યારે આ યુવકને શક પડ્યો હતો કે તેની પત્નીને કોઈ ગાઈડ કરી રહ્યું છે, પત્નીથી અલગ રહેતા આ યુવકે ત્યારબાદ આ પ્રકરણની ઉંડાણપૂર્વક તપાસ શરૂ કરી હતી અને તેમાં તેને કેટલાક ચોંકાવનારી વિગતો જાણવા મળી હતી જેને આ યુવકે પુરાવા સાથે IamGujarat સાથે શેર કરી છે.