ચરોતરના યુવકને વિદેશની ધરતી પર રેલવે સ્ટેશન પર રહેવાના અને ભીખ માગવાના દિવસો આવ્યા
1038 views
સમાચાર વીડિયો ના વિડીયોને સબસ્ક્રાઈબ કરોસમાજમાં લગ્ન થઈ જાય, પોતાનું એક ઘર બની જાય અને સંઘર્ષ કરતો પરિવાર થોડો સુખી થઈ જાય તેવી આશા સાથે હજારો ગુજરાતીઓ દર વર્ષે પોતાના વતનને અલવિદા કહી વિદેશની વાટ પકડે છે. જિંદગીનું સૌથી મોટું જોખમ ઉઠાવીને વિદેશની ધરતી પર જતાં ઘણા ગુજરાતી સફળ થાય છે, પરંતુ કેટલાક કમનસીબ લોકોને દિવસ-રાત જોયા વિના મહેનત કર્યા બાદ પણ માત્ર નિરાશા જ હાથ લાગે છે. કંઈક આવી જ કહાની છે ચરોતરના એક યુવકની, જેનું નામ છે મંથન પટેલ.. મંથને ૨૦૧૪માં લેબ ટેકનિશિયનનો કોર્સ પૂરો કરીને એક પ્રાઈવેટ જોબ શરૂ કરી હતી જ્યાં તેને મહિને માંડ ચાર હજાર રૂપિયા સેલેરી મળતી હતી. તેના પિતા દુબઈમાં હતા, પરંતુ તેમની આવક પણ કંઈ ખાસ નહોતી. તેવામાં મંથનને પણ જો સમાજમાં લગ્ન કરવા હોય અને ઘરની હાલત સુધારવી હોય તો પોતાનું વતન છોડવું પડે તેમ હતું. આખરે ઘણા પ્રયાસો બાદ મંથનને આફ્રિકામાં જોબની ઓફર મળી હતી, અને તેને જ્યાં જવાનું હતું તે દેશનું નામ હતું અંગોલા.