ટ્રેન્ડિંગ

Ep 2: કેનેડામાં સેટલ થયા બાદ ચિંતનને હવે એક સપનું પૂરૂં કરવાનું ઝનૂન ચઢ્યું

Name: Ep 2: કેનેડામાં સેટલ થયા બાદ ચિંતનને હવે એક સપનું પૂરૂં કરવાનું ઝનૂન ચઢ્યું
Uploaded: 2023-06-09T11:50:34+05:30
Duration: 7 min 51 s
Channel: નવરંગ સેન

1131 views

સમાચાર વીડિયો ના વિડીયોને સબસ્ક્રાઈબ કરો

લાઈક કરો
કોમેન્ટ્સ કરો
શેર કરો

આ સિરીઝમાં અત્યારસુધી આપણે જોયું કે ગાંધીનગરનો એક યુવક ચિંતન 2009માં કઈ સ્થિતિમાં કેનેડા આવ્યો હતો અને ત્યાં તેણે કેટલો સંઘર્ષ કર્યો. આજના એપિસોડમાં આપણે જોઈશું કે જોબમાં સેટલ થયા બાદ ચિંતનને ક્યારે કેનેડાના પીઆર મળ્યા અને કઈ રીતે તેમને એક પછી એક સફળતા મળતી ગઈ. આ જ અરસામાં એક સમય આવ્યો કે જ્યારે ચિંતન પાસે તેને જે જોઈએ છે તે બધું હતું, પરંતુ પોતાનું એક સપનું પૂરૂં કરવા તેણે એક મોટું રિસ્ક લીધું અને તેમ કરવામાં તેની આખી લાઈફ જ બદલાઈ ગઈ... ચિંતને 2012માં કેનેડાના પીઆર માટે ફાઈલ મૂકી હતી, તે વખતે તેની પાસે એક સારી કહી શકાય તેવી જોબ હતી અને બીજી પણ બધી વ્યવસ્થા થઈ ગઈ હતી. આ દરમિયાન ચિંતન નાયક લગભગ અઢી વર્ષે ઈન્ડિયા આવ્યા, અને એપ્રિલ 2012માં તેમના લગ્ન પણ થયા. લગ્નના થોડા દિવસો બાદ ચિંતન નાયક ફરી કેનેડા રિટર્ન થઈ ગયા, અને પોતાની જોબ ચાલુ કરી દીધી. આ દરમિયાન તેમની પીઆરની ફાઈલ પ્રોસેસમાં જ હોવાથી તેમણે તેમાં વાઈફનું નામ પણ તે વખતે એડ કરાવી દીધું, અને ઓક્ટોબર 2012માં પાસપોર્ટ કોલ આવી ગયો.. આમ, ચિંતન અને તેમના પત્નીના પીઆર એક સાથે જ આવી ગયા. તે સમયે ઈન્ડિયામાં આવેલી કેનેડિયન એમ્બસીમાંથી પણ પીઆરની ફાઈલ મૂકવાનો ઓપ્શન મળતો હતો, એક રીતે ચિંતને રિસ્ક જ લીધું હતું પરંતુ તેના કારણે તેમની ફાઈલ જલ્દી પ્રોસેસ થઈ ગઈ. નવેમ્બર 2012માં તેઓ ફરી ઈન્ડિયા આવ્યા, અને ત્રણેક મહિના રહીને ફેબ્રુઆરી 2013માં પત્ની સાથે કેનેડા પાછા ગયા. ચિંતનની ટ્રક ડ્રાઈવરની નોકરી ચાલુ જ હતી, તેમને કલાકના 18 ડોલર સેલેરી મળતી હતી. આ દરમિયાન તેમણે બીજી જગ્યાએ પણ જોબ શોધવાના પ્રયાસ શરૂ કર્યા હતા, તેમનો ટ્રક ડ્રાઈવર તરીકે સારો એવો અનુભવ હતો, અને પાછા તે માસ્ટર ડિગ્રી પણ ધરાવતા હતા, જેથી તેમને થોડા જ સમયમાં એક કંપનીમાં લોજિસ્ટિક હેડ તરીકે જોબ મળી ગઈ, ટ્રક ડ્રાઈવરની નોકરીમાં તેમની એક કલાકની સેલેરી 18 ડોલર હતી, જ્યારે નવી જોબમાં તેમને કલાકની 22 ડોલર સેલેરી ઓફર કરવામાં આવી હતી.

news videosTimesXP GujaratiUpdated: 9 Jun 2023, 11:50 am