દર વર્ષે લીગલી કે ઈલીગલી અમેરિકા જતાં ગુજરાતીઓમાંથી સિટીઝન કેટલા લોકો બની શકે છે?
સમાચાર વીડિયો ના વિડીયોને સબસ્ક્રાઈબ કરો
અમેરિકા દર વર્ષે લાખો વિદેશીઓને પોતાની સિટીઝનશીપ આપે છે, જેમાં હજારો ભારતીયો પણ સામેલ હોય છે. એક તરફ અમેરિકાને ઈમિગ્રન્ટ્સનો દેશ કહેવામાં આવે છે, તો બીજી તરફ ભારતીયોનો પણ વિદેશમાં વસી જવાનો મોહ કોઈનાથી છૂપો નથી. તેવામાં અમેરિકાએ 2022-23ના વર્ષમાં કેટલા વિદેશીઓને પોતાના સિટીઝન બનાવ્યા અને તેમાં ભારતીયો કેટલા છે તેનો એક રસપ્રદ આંકડો સામે આવ્યો છે. અમેરિકન સરકારના આંકડા અનુસાર, 2023માં કુલ 8.7 લાખ વિદેશીઓને સિટીઝનશીપ આપી હતી, પરંતુ આ આંકડો 2022ની સરખામણીમાં બારેક ટકા જેટલો નીચો રહ્યો છે. 2022માં 9.7 લાખ વિદેશીઓ અમેરિકન સિટીઝન બન્યા હતા, જ્યારે 2023નો આંકડો 8.7 લાખ જેટલો રહ્યો હતો.