પહેલા કોંગ્રેસ અને હવે AAPનું નામ વટાવી અમેરિકામાં શરણાગતિ મેળવી રહ્યાં છે ગુજરાતીઓ?
1003 views
સમાચાર વીડિયો ના વિડીયોને સબસ્ક્રાઈબ કરોગુજરાતમાં ભલે હજુ આમ આદમી પાર્ટી પાપા પગલી ભરતી હોય, પરંતુ તેના કનેક્શનનો ઉપયોગ કરીને અમુક લોકો અમેરિકામાં શરણાગતિ મેળવવાનો રસ્તો સાફ કરી રહ્યા છે. ગુજરાતમાંથી દર વર્ષે હજારોની સંખ્યામાં લોકો ગેરકાયદે રીતે અમેરિકા જાય છે, અને તેમાંના મોટાભાગના લોકો અમેરિકામાં પગ મૂકતાં જ શરણાગતિ માટે અપીલ કરે છે. શરણાગતિ માગનારા મોટાભાગના લોકો પોતે અમુક રાજકીય પક્ષ સાથે જોડાયેલા હોવાથી ગુજરાતમાં સલામત ના હોવાના દાવા કરતા હોય છે, જેમાં હવે આમ આદમી પાર્ટીના નામનો પણ ઉપયોગ થઈ રહ્યો છે. અગાઉ ઘણા ગુજરાતીઓ પોતાને કોંગ્રેસના કાર્યકર ગણાવીને અમેરિકામાં ઘૂસતા હતાં, આવા જ એક ગ્રુપનો વિડીયો પણ થોડા સમય પહેલા ખાસ્સો વાયરલ થયો હતો. જોકે, હાલના દિવસોમાં અમેરિકાની કોર્ટમાં જે ગુજરાતીઓ અસાયલમના કેસ ફાઈલ કરી રહ્યા છે તેમાંના ઘણા પોતાને આમ આદમી પાર્ટીના કાર્યકર ગણાવી રહ્યા છે.