ગયા વર્ષે સ્ટૂડન્ટ વિઝા પર અમેરિકા ગયેલો ભારતીય યુવક ભેદી સંજોગોમાં ગુમ થયો
1067 views
સમાચાર વીડિયો ના વિડીયોને સબસ્ક્રાઈબ કરો2024માં અમેરિકામાં 10થી પણ વધુ ભારતીય સ્ટૂડન્ટ્સના મોત થયાની અલગ-અલગ ઘટનાઓ વચ્ચે હવે એક ભારતીય સ્ટૂડન્ટનું અપહરણ થયું હોવાની ઘટના સામે આવી છે. તેલંગાણાના આ સ્ટૂડન્ટનું નામ અબ્દુલ મોહમ્મદ હોવાનું બહાર આવ્યું છે જે મે 2023માં અમેરિકા ભણવા માટે ગયો હતો. અબ્દુલ ક્લેવલેન્ડ યુનિવર્સિટીમાં ઈન્ફોર્મેશન ટેક્નોલોજીમાં માસ્ટર્સનો અભ્યાસ કરતો હતો, તેના પરિવારજનોનો દાવો છે કે છેલ્લે 07 માર્ચના રોજ અબ્દુલ સાથે વાત થયા બાદ તે લાપતા છે. અબ્દુલના ગુમ થયાની અમેરિકામાં પોલીસ ફરિયાદ પણ નોંધાવવામાં આવી છે અને તેને શોધવા પોલીસે લૂક-આઉટ નોટિસ પણ ઈશ્યૂ કરી છે. જોકે, અબ્દુલનો કોઈ અતો-પતો મળે તે પહેલા જ તેના પિતા સલીમને અમેરિકાથી કોઈ અજાણ્યા શખસનો ફોન આવ્યો હતો, જેણે તેમની પાસેથી 1200 ડોલરની ડિમાન્ડ કરી હતી.