ઈન્ડિગો એરલાઈનના કારણે બગડ્યો કપલનો હોલિડે, ચૂકવશે 70 હજાર રૂપિયા વળતર
1002 views
સમાચાર વીડિયો ના વિડીયોને સબસ્ક્રાઈબ કરોવેકેશન પર નીકળ્યા હો ત્યારે કંઈક પણ આડુંઅવળું થાય તો ફરવાનો મૂડ મરી જાય છે. એમાંય એરલાઈન્સના કારણે મુસાફરો પરેશાન થયા હોય તેવા કિસ્સા બનતા રહે છે. ક્યારેક ફ્લાઈટ ડીલે થવાના લીધે કનેક્ટિંગ ફ્લાઈટ ચૂકી જવાય છે, તો કદી એરલાઈનના સ્ટાફની ગેરવર્તણૂક મૂડ બગાડી નાખે છે. વળી, એરલાઈન્સ સામાન મોડો પહોંચાડે કે કોઈ નાખે ત્યારે પેસેન્જરોને ખૂબ હેરાન થવાનો વારો આવે છે. હોલિડે તો બગડે જ છે સાથે જ જરૂરી વસ્તુઓ ખરીદવાનો અણધાર્યો ખર્ચ આવી પડે છે. આવો જ કિસ્સો બેંગાલુરુના દંપતી સાથે બન્યો છે. કપલે આંદમાન-નિકોબારમાં હોલિડે પ્લાન કર્યો હતો. તેઓ પોર્ટ બ્લેર એરપોર્ટ પર ઉતરી ગયા પરંતુ તેમનો સામાન બે દિવસ મોડ્યો આવ્યો હતો. જેથી આ દંપતીએ બેંગાલુરુની ગ્રાહક સુરક્ષા કોર્ટમાં ઈન્ડિગો એરલાઈન્સ સામે કેસ કર્યો હતો. જેનો ચુકાદો તાજેતરમાં જ આવ્યો છે અને દંપતીને થયેલી હેરાનગતિ બદલ 70,000 રૂપિયા વળતર ચૂકવવાનો આદેશ એરલાઈનને આપવામાં આવ્યો છે.