તથ્ય પટેલે જે યુવકને ઉડાવ્યો હતો તે હજુય હોસ્પિટલમાં જીવન-મરણ વચ્ચે ઝોલા ખાય છે
2704 views
સમાચાર વીડિયો ના વિડીયોને સબસ્ક્રાઈબ કરો૨૦મી જુલાઈની રાત્રે અમદાવાદના ઈસ્કોન બ્રિજ પર તથ્ય પટેલની પૂરપાટ સ્પીડે દોડતી કારની અડફેટે આવેલા એક ઘાયલની હાલત હજુય અતિગંભીર ગણાવાઈ રહી છે. તથ્ય પટેલે તે રાત્રે દોઢ વાગ્યે થયેલા અકસ્માતમાં ૯ લોકોને ઉડાવી માર્યા હતા, જ્યારે તેમાં ઘાયલ થયેલા ૧૧ લોકોને હોસ્પિટલમાં એડમિટ કરવામાં આવ્યા હતા. જે લોકોને સારવાર માટે એડમિટ કરાયા હતા તેમાં બે લોકોને બાદ કરતા બાકીના તમામ લોકોને એક પછી એક ડિસ્ચાર્જ આપી દેવાયો હતો. જોકે, જે બે વ્યક્તિની હાલત ગંભીર હતી તેમાંથી પણ એકને ચારેક દિવસ પહેલા જ હોસ્પિટલમાંથી રજા મળી હતી પરંતુ હજુય હોસ્પિટલના બિછાને પડેલો અન્ય એક ઘાયલ મોત સામે જંગ લડી રહ્યો છે. આ બંને યુવકોને માથા તેમજ છાતીમાં ગંભીર ઈજા સાથે હોસ્પિટલમાં ખસેડવામાં આવ્યા હતા. આ ગોઝારા અકસ્માતમાં જીવલેણ ઈજા પામનારા જે છેલ્લા ઈજાગ્રસ્તની હાલ સારવાર ચાલી રહી છે, તેને હજુય ઘણા દિવસો સુધી હોસ્પિટલમાં રાખવો પડશે તેવું જાણવા મળી રહ્યું છે.