સુરતમાં ગજબનું રાજકીય નાટકઃ વગર ચૂંટણીએ ભાજપના ઉમેદવારનો વિજય
આ વખતની લોકસભાની ચૂંટણીમાં સુરતમાં રાજકારણીઓએ એક એવું નાટક ભજવ્યું છે જેની ઘણા દિવસો સુધી ચર્ચા ચાલશે. સુરતમાં ભાજપ ચૂંટણી લડ્યા વગર જ જીતી ગયું છે કારણ કે ભાજપના ઉમેદવાર મુકેશ દલાલ બિનહરીફ વિજેતા બન્યા છે અને તેમની સામે કોઈ ઉમેદવાર મેદાનમાં નથી. રવિવારે કોંગ્રેસના ઉમેદવાર નિલેશ કુંભાણીનું ફોર્મ રદ કરવામાં આવ્યા પછી તેમના ડમી ઉમેદવારનું ફોર્મ પણ રદ થયું હતું અને બાકીના તમામ ઉમેદવારોએ પણ એક જ દિવસની અંદર પોતાની દાવેદારી પાછી ખેંચી લીધી છે.