મોંઘાદાટ જિન્સનો કલર ત્રણ મહિનામાં જ ઉડી જતાં ગ્રાહક સુરક્ષા કોર્ટમાં કેસ કરીને યુવકે પૈસા પાછા મેળવ્યા
1076 views
સમાચાર વીડિયો ના વિડીયોને સબસ્ક્રાઈબ કરોસાડા ચાર હજાર રૂપિયામાં ખરીદેલા નવાનકોર જિન્સને પાંચ વાર વોશ કર્યા બાદ તેનો કલર ઉડી જાય તો તમે શું કરશો? આવું જ કંઈક બેંગલોરના એક યુવક સાથે થયું હતું, જેણે 16 એપ્રિલ 2023ના દિવસે આદિત્ય બિરલા ફેશન એન્ડ રિટેઈલ લિમિટેડના એક શોરૂમ પરથી વેન હ્યુસન બ્રાંડનું જિન્સ ખરીદ્યું હતું, જેના માટે તેણે રોકડા રૂપિયા 4,499 ચૂકવ્યા હતા. જોકે, હરિહરન બાબુ નામના આ યુવકે ખરીદેલા બ્લૂ જિન્સનો કલર પાંચેક વોશ બાદ જ ઉડવા લાગ્યો હતો. સાડા ચાર હજાર રૂપિયાના જિન્સનો કલર માંડ ત્રણ મહિનામાં જ ઝાંખો પડી જતાં હરિહરન બાબુએ પહેલા તો જે શોરૂમમાંથી તેણે જિન્સ ખરીદ્યું હતું તેને 29 જુલાઈ 2023ના દિવસે ફોન પર ફરિયાદ કરી હતી. ત્યારબાદ તેણે પોતાના જિન્સના ફોટોગ્રાફ્સ પણ ઈમેલ કર્યા હતા, જોકે તેને કોઈ પોઝિટિવ રિસ્પોન્સ નહોતો મળ્યો. તેમ છતાંય પોતાના કેસનું સતત ફોલો-અપ લઈ રહેલા હરિહરનને આખરે શોરૂમવાળાએ જિન્સ પાછું આપી જવા કહ્યું હતું.