Texas Wildfire: અમેરિકાના ટેક્સાસમાં ફાટી નીકળેલા દાવાનળમાં 8.5 લાખ વિસ્તાર બળીને ખાક
1048 views
સમાચાર વીડિયો ના વિડીયોને સબસ્ક્રાઈબ કરોઅમેરિકાના ટેક્સાસમાં સૂકા ઘાસના મેદાનો અને જંગલોમાં ફાટી નીકળેલા દાવાનળે ભયાનક સ્વરૂપ ધારણ કર્યું છે. અમેરિકન મીડિયાના રિપોર્ટ્સ અનુસાર અમારિલો સિટીમાં સાડા આઠ લાખ એકર વિસ્તારમાં લાગેલી આ આગને ટેક્સાસના ઈતિહાસની બીજી સૌથી મોટી આગ ગણાવાઈ રહી છે, જેને કારણે રાજ્યના ગવર્નર ગેગ એબોટે ૬૦ કાઉન્ટીમાં ઈમરજન્સી લાગુ કરી દીધી છે. આ વિસ્તારમાં સૂકા ઘાસ, ઉંચા તાપમાન અને પવનને કારણે આગ વધુને વધુ વિકરાળ બની રહી છે. આ આગની સૌથી વધુ અસર હચિસન કાઉન્ટીમાં જોવા મળી છે જેમાં એક વ્યક્તિનું મોત થયું છે, આ વિસ્તારમાં વરસાદ પડવાની પણ શક્યતા છે જેના કારણે આગ પર કાબૂ મેળવવામાં મદદ મળી શકે તેમ છે. હાલ તો આ આગને આગળ વધતી રોકવા માટે સેંકડો ફાયરફાઈટર્સને તૈનાત કરવામાં આવ્યા છે. આગને કારણે અનેક ટાઉન્સમાંથી લોકોનું સ્થળાંતર કરવાની પણ નોબત આવી છે. અમેરિકાની નેશનલ વેધર સર્વિસે અમારિલોની આસપાસના તમામ વિસ્તારોના લોકોને આગ પર કાબૂ ના મેળવાય ત્યાં સુધી ઘરમાં જ રહેવા માટે જણાવ્યું છે.