અમેરિકાના New Jerseyમાં ગેસ સ્ટેશનમાં રોબરી કર્યા બાદ ક્લાર્કને ગોળી મારનારાને આજીવન કેદની સજા
1033 views
સમાચાર વીડિયો ના વિડીયોને સબસ્ક્રાઈબ કરોઅમેરિકામાં 100-200 ડોલરની રોબરી કરવા માટે પણ કોઈનો જીવ લેવામાં આવ્યો હોય તેવી ઘણી ઘટના અવારનવાર સામે આવતી રહે છે. જોકે, હકીકત એ પણ છે કે યુએસમાં રોબરીનો પ્રયાસ કરવો પણ ખૂબ જ ગંભીર ગુનો છે અને તેમાં કસૂરવાર ઠરેલા વ્યક્તિને 20-25 વર્ષ સુધીની જેલની સજા થઈ શકે છે, અને જો રોબરી દરમિયાન કોઈની હત્યા કરવામાં આવી હોય તો મોટાભાગે કસૂરવારને આખી જિંદગી જેલમાં જ કાઢવાનો વારો આવે છે. આવી જ એક ઘટનામાં 20 ડિસેમ્બર 2018ના દિવસે ન્યૂજર્સીના એડિસન સ્પીડવે પર આવેલા એક ગેસ સ્ટેશનમાં લૂંટના ઈરાદે ઘૂસીને ફરજ પર તૈનાત ક્લાર્કના મોઢા પર ગોળી મારી દેનારા એક આરોપીને ગુનેગાર ઠેરવતા કોર્ટે સોમવારે તેને આજીવન કેદની સજા ફટકારી છે. માર્કસ રાઈટ નામના આ ગુનેગારને આખી જિંદગી ક્યારેય પેરોલ પણ નહીં મળી શકે.