અમેરિકન્સને ધાકધમકી આપી મસમોટી રકમ પડાવવાના કાંડમાં પ્રણવ પટેલ રંગેહાથ ઝડપાઈ ગયો
1030 views
સમાચાર વીડિયો ના વિડીયોને સબસ્ક્રાઈબ કરોઅમેરિકાના લોકોને ડરાવી-ધમકાવીને તેમની પાસેથી લાખો ડોલર પડાવવાના એક કૌભાંડમાં કથિત સંડોવણી બદલ મૂળ ગુજરાતી એવા પ્રણવ પટેલ નામના એક 32 વર્ષીય યુવકની ધરપકડ કરવામાં આવી છે. પ્રણવ પટેલ નામનો આ વ્યક્તિ મૂળ ન્યૂજર્સીનો રહેવાસી છે, જેના પર ફેડરલ વાયર ફ્રોડ ચાર્જ લગાવવામાં આવ્યો છે. ચોંકાવનારી વાત એ છે કે, આ કાંડમાં સામેલ પ્રણવ પટેલ અમેરિકામાં અલગ-અલગ જગ્યાએ જઈને વિક્ટિમ્સ પાસેથી કેશ તેમજ ગોલ્ડ કલેક્ટ કરવાનું કામ કરતો હતો. પ્રણવ ન્યૂજર્સીથી ફ્લોરિડા આ કામ માટે આવ્યો હતો, અને તે એક મહિલા પાસેથી પૈસા કલેક્ટ કરીને જઈ રહ્યો હતો ત્યારે જ પોલીસે તેને પકડી લીધો હતો. પ્રણવ પટેલ સામે જે મામલામાં સંડોવાયેલો હોવાનો આરોપ છે તેમાં ફ્લોરિડાની બે મહિલા પાસેથી કુલ 9 લાખ ડોલર જેટલી રકમ પડાવવામાં આવી હતી. આ બંને મહિલાઓની સાથે ફ્રોડ કરનારા લોકોએ પોતાની ઓળખ યુએસ ડિપાર્ટમેન્ડ ઓફ ટ્રેઝરીના ઓફિસર તરીકે આપીને તેમની સામે મની લોન્ડરિંગના ચાર્જમાં અરેસ્ટ વોરન્ટ ઈશ્યૂ થયું છે તેવું કહીને ડરાવી હતી, અને આ વોરન્ટ કેન્સલ કરાવવાના નામે તેમની પાસેથી મસમોટી રકમ પડાવાઈ હતી.