નાના-નાની અને મામાની હત્યાના આરોપી ઓમને કોર્ટમાં રજૂ કરાયો, ચહેરા પર ના દેખાયો કોઈ પસ્તાવો
1025 views
સમાચાર વીડિયો ના વિડીયોને સબસ્ક્રાઈબ કરો૨૭મી નવેમ્બરે સોમવારના રોજ ન્યૂજર્સીમાં ચરોતરના બ્રહ્મભટ્ટ પરિવારના ત્રણ સભ્યોની હત્યાના મામલે ઘટનાસ્થળ પરથી પકડાયેલા અને પોલીસે આ કેસમાં આરોપી બનાવેલા ઓમ બ્રહ્મભટ્ટને ન્યૂજર્સીના મિડલસેક્સ કાઉન્ટીની સુપિરિયર કોર્ટના જજ સમક્ષ હાજર કરવામાં આવ્યો હતો. હાલ આ જ કાઉન્ટીની જેલમાં કેદ ઓમને વિડીયો કોન્ફરન્સ મારફતે કોર્ટમાં હાજર કરાયો હતો, આ હિયરિંગમાં જજે ગ્રાન્ડ જ્યૂરી સમક્ષ આ કેસની સુનાવણી થાય તે દરમિયાન આરોપીને જેલમાં જ રાખવાનો ઓર્ડર કર્યો હતો, જેનો આરોપીના વકીલ તરફથી કોઈ વિરોધ નહોતો કરાયો. તો બીજી તરફ, કોર્ટ સમક્ષ હાજર થયેલા ઓમના ચહેરા પર તેને પોતાની કરતૂતનો કોઈ પસ્તાવો ના હોય તેવા કોઈ હાવભાવ જોવા નહોતા મળ્યા. ગ્રીન ટી-શર્ટ પહેરીને વિડીયો કોન્ફરન્સમાં આવેલો ઓમ મોટાભાગે તો ચૂપચાપ જ બેસી રહ્યો હતો, અને તેને પૂછાયેલા અમુક સવાલોના તેણે ખૂબ જ ટૂંકમાં જવાબ આપ્યા હતા. ઓમે કોર્ટ સમક્ષ પણ કબૂલ્યું હતું કે ક્રાઈમ સીન પર તે પહેલાથી જ હાજર હતો.