અમેરિકામાં બેસીને ભારતના સંસદ ભવનને ધ્રૂજાવી નાખવાની ખાલિસ્તાની આતંકી પન્નુને ધમકી આપી
1004 views
સમાચાર વીડિયો ના વિડીયોને સબસ્ક્રાઈબ કરોખાલીસ્તાની આતંકી ગુરુપતવંત સિંહ પન્નુન અમેરિકામાં બેઠા-બેઠા ભારત માટે ઝેર ઓકી રહ્યો છે. આ વખતે તેણે કંઈક એવું કરવાની ધમકી આપી છે, જે સંસદના પાયા હલાવી નાખશે. પન્નુને એક વિડીયોમાં કહ્યું છે કે, આવું તે 13 ડિસેમ્બરે કે તેના પહેલા કરશે. 13 ડિસેમ્બર 2001ના રોજ ભારતની સંસદ પર પાકિસ્તાન તરફી આતંકીઓએ હુમલો કર્યો હતો. આ કેસમાં દોષિત ઠેરવાયેલા આતંકી અફઝલ ગુરુની એક તસવીર લઈને પન્નુને વિડીયો બનાવ્યો છે. આ વિડીયો કથિત રીતે તેણે પોતાની હત્યાની 'નિષ્ફળ કોશિશ' બાદ બનાવ્યો છે. વિડીયોમાં પન્નુને 'દિલ્હી બનેગા ખાલીસ્તાન' લખેલી ટોપી પણ પહેરી રાખી હતી. અમેરિકાની સાથે કેનેડાની પણ નાગરિકતા ધરાવતા પન્નુને ધમકી આપ્યા પછી સુરક્ષા એજન્સીઓ સતર્ક થઈ છે. અમેરિકાએ થોડા દિવસ પહેલા જ દાવો કર્યો હતો કે,જૂન મહિનામાં પન્નુની હત્યાનું ષડયંત્ર તેમણે વિફળ કર્યું હતું. કથિત રીતે તેમાં ભારતનો હાથ હતો.