પાટીદડ ગામની અનોખી પહેલ, દરેક ઘર ઓળખાશે પુત્રીના નામથી
1008 views
સમાચાર વીડિયો ના વિડીયોને સબસ્ક્રાઈબ કરોમહિલાઓ પુરુષ સમોવડી થઈ રહી છે, મહિલા સશક્તિકરણ થઈ રહ્યું છે તેમ છતાં હજી પણ આપણો સમાજ ઘણાં ખરાં અંશે પુરુષપ્રધાન છે. ઘરનો વહીવટ સ્ત્રીના હાથમાં હોય છતાં અંતિમ નિર્ણય તો ઘરના મોભી કહેવાતા પુરુષનો જ રહે છે. આ વાતનું સામાન્ય કહી શકાય એવું ઉદાહરણ છે ઘરની બહાર લાગેલી નેમપ્લેટ. મોટાભાગના ઘરમાં નેમપ્લેટ લગાવાયેલી હશે ત્યાં ઘરના પુરુષનું નામ હશે કાં તો પછી પુરુષની જે અટક હોય તે નેમપ્લેટ ઉપર લખેલી જોવા મળે છે. ઘણાંના ઘરની નેમપ્લેટ પર પતિ-પત્નીના નામ હોય તો એમાંય પહેલું નામ પતિનું હશે. તો પછી ઘરની દીકરીના નામે કે ઘરની મુખ્ય સ્ત્રીના નામની નેમપ્લેટ લાગેલી જોવા મળે એ તો મોટી વાત છે. પરંતુ આ પરિવર્તન એક નાનકડા ગામડામાં જોવા મળ્યું છે. ગોંડલના એક ગામમાં દરેક ઘરની બહાર દીકરીના નામની નેમપ્લેટ જોવા મળી રહી છે.