મહેસાણાના યુવકને શોધતી-શોધતી પોલીસ ઘરે આવી ત્યારે ખબર પડી કે તે અમેરિકા જવા નીકળ્યો હતો!
1031 views
સમાચાર વીડિયો ના વિડીયોને સબસ્ક્રાઈબ કરોઈલીગલી અમેરિકા જવા નીકળતા ગુજરાતીઓ પોતાના સગાસંબંધી તો ઠીક, પણ કદાચ ખુદના જ પરિવારજનોને આ અંગે કશુંય નથી કહેતા.. અને મોટાભાગના કેસમાં તો જે-તે વ્યક્તિ અમેરિકા પહોંચી જાય ત્યારબાદ જ તેની વાત જાહેર થતી હોય છે. તાજેરતમાં જ ૯૬ ગુજરાતીઓને ઈલીગલી અમેરિકા પહોંચાડવા માટે દુબઈથી નીકળેલી ચાર્ટર્ડ ફ્લાઈટ ફ્રાંસમાં પકડાઈ જતાં મોટાભાગના લોકોને ઈન્ડિયા પાછા આવવાનો વારો આવ્યો હતો, જેમાં મહેસાણાના જોટાણા તાલુકાના એક ગામનો એક યુવક પણ હતો. ૩૪ વર્ષનો આ યુવક તેની પત્ની અને બે વર્ષના બાળક સાથે અમેરિકા જવા નીકળ્યો હતો. જોકે, આ યુવક ફ્રાંસથી પાછો આવ્યો ત્યાં સુધી તેના પિતાને ખબર જ નહોતી કે તેમના દીકરા-વહુ અને પૌત્ર ઈલીગલી અમેરિકા જવા નીકળ્યા હતા.