RCB Flop Show: 16 સીઝન અને 0 ટ્રોફી, હજુસુધી કેમ RCB ચેમ્પિયન નથી બની શકી; આ છે મોટું કારણ
Curated byParth Vyas|TNN|23 May 2023
બેંગ્લોરઃ RCB 2008થી IPLમાં રમી રહી છે. શરૂઆતમાં ટીમ પાસે જેક કાલિસ, રાહુલ દ્રવિડ, અનિલ કુંબલે, માર્ક બાઉચર અને ડેલ સ્ટેન જેવા ખેલાડીઓ હતા. ત્યારપછી રન મશીન વિરાટ કોહલીએ ક્રિસ ગેલ અને એબી ડિવિલિયર્સ સાથે મળી આ ટીમને આગળ વધારી હતી. T20 ક્રિકેટના આવા ધુરંધર ખેલાડીઓ હોવા છતા આ ટીમ નાની નાની ભૂલો કરીને જીતેલી બાજી હારી જતી હતી. જોતજોતામાં ટીમ સામે ચોકર્સનું ટેગ પણ લાગી ગયું હતું. અત્યારની વાત કરીએ તો ટીમમાં ઈન્ટરનેશનલ ક્રિકેટના સ્ટાર વિરાટ કોહલી, ફાફ ડુપ્લેસિસ અને ગ્લેન મેક્સવેલ જેવા ખેલાડીઓ સામેલ છે. બોલિંગ ડિપાર્ટમેન્ટમાં ચહલ અને સિરાજની જોડી પણ તરખાટ મચાવી શકે છે. પરંતુ દરેક વર્ષે શાનદાર ટીમ કોમ્બિનેશન હોવા છતાં આ ટીમ ટાઈટલ જીતી શકી નથી.
