સાળંગપુર હનુમાનજી મૂર્તિ વિવાદઃ સનાતની ભક્તે ભીંતચિત્રો તોડવાનો પ્રયાસ કર્યોસાળંગપુરની કિંગ ઓફ સાળંગપુર હનુમાનજીની મૂર્તિનો વિવાદ વધુને વધુ ઉગ્ર બની રહ્યો છે. આ વિશાળ મૂર્તિની નીચે હનુમાનજી સ્વામીનારાયણના સંતને નમન કરી રહ્યા હોય તેવા ચિત્રો મૂકતા વિવાદ જાગ્યો છે. જેને લઈને ભક્તો અને સનાતન પ્રેમીઓમાં ભારે રોષ જોવા મળી રહ્યો છે. સનાતનના સાધુ-સંતોએ આ ચિત્રો હટાવી દેવાની માંગ કરી છે અને જો તેમ નહીં થાય તો ઉગ્ર આંદોલનની ચિમકી પણ આપી છે. તેવામાં એક સનાતની ભક્તે સાળંગપુરની કિંગ ઓફ સાળંગપુર મૂર્તિ નીચે રહેલા ચિત્રો તોડવાન પ્રયાસ કર્યો હતો. તેનો એક વિડીયો વાયરલ થયો છે.