એક સમયે ક્રિકેટ જગતમાં રાજ કરતી વેસ્ટ ઈન્ડિઝ ક્રિકેટ ટીમના પતનની કહાની
સમાચાર વીડિયો ના વિડીયોને સબસ્ક્રાઈબ કરો
ઈંગ્લેન્ડને ભલે ક્રિકેટનો પિતા કહેવામાં આવે, પરંતુ એક સમયે આ રમતનો અસલી રાજા વેસ્ટ ઈન્ડિઝ હતું. 1975માં જ્યારે પહેલીવાર વન-ડે વર્લ્ડ કપ રમાયો ત્યારે વેસ્ટ ઈન્ડિઝ ચેમ્પિયન બન્યું હતું. ત્યારબાદ 1979માં બીજી સીઝન પણ આ ટીમના નામે હતી. 1983માં આ ટીમ સતત ત્રીજી વખત ફાઈનલમાં પહોંચી હતી. જોકે ભારતીય ટીમે કપિલ દેવની કપ્તાનીમાં બે વખતની વર્લ્ડ ચેમ્પિયન કેરેબિયન ટીમને પરાજય આપીને સપાટો બોલાવી દીધો હતો. આ છેલ્લી વખત હતું જ્યારે વેસ્ટ ઈન્ડિઝની ટીમ વન-ડે વર્લ્ડ કપની ફાઈનલમાં પહોંચી હતી. જોકે આમ છતાં વિન્ડીઝની ટીમને ક્યારેય ઓછી આંકવામાં આવી નથી, પરંતુ આ વખતે જે બન્યું તે વધુ ચોંકાવનારું અને શરમજનક છે. આ પ્રથમ વખત હશે જ્યારે વનડે વર્લ્ડ કપ વેસ્ટ ઈન્ડિઝની ટીમ વગર રમાશે.