લાખો-કરોડોની કથિત તોડબાજીના માસ્ટર માઈન્ડ તરલ ભટ્ટના રિમાન્ડ મંજૂર
1044 views
સમાચાર વીડિયો ના વિડીયોને સબસ્ક્રાઈબ કરોજૂનાગઢ પોલીસના તોડબાજ પોલીસ ઈન્સ્પેક્ટર તરલ ભટ્ટના ચાર દિવસના રિમાન્ડ મંજૂર કરવામાં આવ્યા છે. 26 જાન્યુઆરીએ નોંધાયેલી ફરિયાદ બાદ ફરાર થઈ ગયેલા તરલ ભટ્ટની 02 ફેબ્રુઆરીના રોજ અમદાવાદમાંથી એટીએસ દ્વારા ધરપકડ કરવામાં આવી હતી, આ તોડબાજ પીઆઈને આજે જુનાગઢની કોર્ટમાં હાજર કરીને 14 દિવસના રિમાન્ડની માગ કરવામાં આવી હતી, જેની સામે કોર્ટે તરલ ભટ્ટના 07 ફેબ્રુઆરી સુધીના રિમાન્ડ મંજૂર કરવામાં આવ્યા છે. તરલ ભટ્ટ સહિત જૂનાગઢ સાયબર ક્રાઈમ સેલના PI એ.એમ. ગોહિલ અને ASI દીપક જાની સામે 335 જેટલા બેંક અકાઉન્ટ્સ ફ્રીઝ કરાવીને લાખો-કરોડોનો કથિત તોડ કરવાનો આરોપ છે, જેના સૂત્રધાર તરલ ભટ્ટ હોવાનો દાવો કરવામાં આવી રહ્યો છે. કારણકે જે બેંક અકાઉન્ટ્સને જુનાગઢ સાયબર ક્રાઈમ સેલ દ્વારા ફ્રીઝ કરવામાં આવ્યા હતા તેનું આખુંય લિસ્ટ તરલ ભટ્ટ દ્વારા જ આપવામાં આવ્યું હતું.