ગુજરાત પોલીસનો વધુ એક કાંડ: બેંક અકાઉન્ટ્સ ફ્રીઝ કરાવી કરોડો રૂપિયાનો તોડ કર્યાનો આરોપ
1047 views
સમાચાર વીડિયો ના વિડીયોને સબસ્ક્રાઈબ કરોલોકોના બેંક અકાઉન્ટ્સ ફ્રીઝ કરીને પોલીસ દ્વારા કથિત તોડબાજી કરાતી હોવાની એક ફરિયાદ જુનાગઢના બી ડિવિઝન પોલીસ સ્ટેશનમાં નોંધાઈ છે. આ કથિત કાંડમાં જે ત્રણ પોલીસવાળાને આરોપી બનાવવામાં આવ્યા છે તેમાં જુનાગઢ સાયબર ક્રાઈમ સેલના ઈન્સ્પેક્ટર એ.એમ. ગોહિલ, માણાવદરના CPI તરલ ભટ્ટ અને સાયબર ક્રાઈમ સેલના ASI દીપક જાનીનો સમાવેશ થાય છે. આ ત્રણેય આરોપી વિરૂદ્ધ નોધાયેલી ફરિયાદમાં તેમની સામે IPCની અલગ-અલગ આઠ કલમો ઉપરાંત ભ્રષ્ટાચાર નિવારણ અધિનિયમ-૧૯૯૮ એક્ટની પણ બે કલમ હેઠળ ગુનો નોંધવામાં આવ્યો છે, અને ફરિયાદી બન્યા છે જુનાગઢ રેન્જના આઈજીના રીડર પીઆઈ એસ.એન. ગોહિલ. આ કેસમાં જુનાગઢ પોલીસ દ્વારા કેરળમાં રહેતા એક યુવકનું HDFCનું બેંક અકાઉન્ટ ફ્રીઝ કરાવી દેવાયું હતું. પોતાનું અકાઉન્ટ ફ્રીઝ થઈ ગયું છે તેની ખબર આ યુવકને ૧૭ નવેમ્બર ૨૦૨૩ના દિવસે થઈ હતી. કેરળના આ યુવકે બેંકમાં તપાસ કરી ત્યારે તેને કહેવામાં આવ્યું હતું કે જુનાગઢ જિલ્લાના સાયબર ક્રાઈમ સેલના પોલીસ ઈન્સ્પેક્ટર એ.એમ. ગોહિલ દ્વારા મળેલી સૂચનાને આધારે તેનું અકાઉન્ટ ફ્રીઝ કરાવાયું છે. HDFCની સેન્ટ્રલ ટીમે આ યુવકને પોલીસના લેટરની નકલ પણ મોકલી આપી હતી, જેમાં તેના HDFC સહિતના ત્રીસ બેંક અકાઉન્ટનો પણ ઉલ્લેખ હતો.