Ep 1: એજન્ટે 25 દિવસમાં અમેરિકા પહોંચાડી દેવાનો વાયદો કરીને ઉત્તર ગુજરાતના એક યુવકને રવાના કર્યો
1536 views
સમાચાર વીડિયો ના વિડીયોને સબસ્ક્રાઈબ કરો03 જાન્યુઆરી 2024, મેક્સિકોના એક સૂમસામ વિસ્તારમાં બનાવાયેલી નાનકડી ઓરડીમાં લગભગ પચાસેક લોકોને ઠૂંસી-ઠૂંસીને ભરવામાં આવ્યા હતા. તે ઓરડીમાં ના તો કોઈ લાઈટ હતી કે ના કોઈ બારી, અંધારૂં એટલું બધું હતું કે પોતાની બાજુમાં ઉભેલો માણસ કોણ છે તે જોવું પણ મુશ્કેલ હતું. જે લોકોને આ ઓરડીમાં ભરી રાખવામાં આવ્યા હતા તેમાં ઘણાય ગુજરાતીઓ પણ હતા, બધાય ચારેક દિવસથી નાહ્યા નહોતા અને સૌ કોઈના શરીરમાંથી માથું ફાટી જાય તેવી ગંદી વાસ આવી રહી હતી.. હાલત એવી હતી કે જો કોઈ બેભાન થઈ જાય તો પણ નીચે ના પડી શકે, કારણકે તે ઓરડીમાં જાણે ચિક્કાર ભરેલી એસટી બસ કરતાં પણ વધારે ખરાબ હાલતમાં લોકો ઉભા હતા અને તેમની ધીરજ હવે ખૂટી રહી હતી. બધાને ગુસ્સો આવી રહ્યો હતો, પણ તેમને ઓરડીમાં પૂરી ગયેલા ડોન્કર્સે વોર્નિંગ આપી હતી કે જો કોઈએ અવાજ કર્યો તો તેનો ખેલ ત્યાં જ ખતમ થઈ જશે… કેટલાય કલાકોથી આ જ હાલતમાં ઓરડીમાં પૂરાયેલા તે લોકોને બહાર દિવસ છે કે રાત તે પણ ખબર નહોતી અને હવે બધાયને જાણે મોત સામે દેખાઈ રહ્યું હતું. આ જ ઓરડીમાં માંડ-માંડ શ્વાસ લેતો અને આંખોને થાય તેટલી પહોળી કરીને પોતાની આસપાસ શું થઈ રહ્યું છે તે જોવા મથી રહેલા એક ગુજરાતી યુવકનું નામ હતું ભાવેશ પટેલ.