કેનેડા બોર્ડર પર ડિંગુચાના પરિવારના મોતના કેસમાં નવો ધડાકો
જાન્યુઆરી 2022માં કેનેડા-અમેરિકા બોર્ડર પર પરિવાર સાથે મોતને ભેટેલા ડિંગુચાના જગદીશ પટેલના કેસમાં હવે એક નવો ખુલાસો થયો છે. 19 જાન્યુઆરીના રોજ જગદીશ પટેલ તેમજ તેમના પત્ની અને બે બાળકોની બોડી અમેરિકાની બોર્ડરથી માત્ર 12 મીટર દૂર મળી આવી હતી. હવે એવું જાણવા મળી રહ્યું છે કે પાંચ હજાર ડોલર બચાવવા માટે જગદીશ પટેલે અમેરિકા પહોંચવા માટે સસ્તો રૂટ પસંદ કર્યો હતો, જેની કિંમત તેમને પોતાનો જીવ ગુમાવીને ચૂકવવી પડી હતી. જગદીશ પટેલ જે ગ્રુપની સાથે હતા તેમાં સામેલ લોકોને અમેરિકાની હદમાં ઘૂસતા જ સ્ટીવ શેન્ડ નામનો એક ડ્રાઈવર લેવા માટે આવવાનો હતો. અમેરિકાની પોલીસે આ ડ્રાઈવરની પણ ધરપકડ કરી હતી, જોકે તેણે પોતાના પર લાગેલા આરોપને સ્વીકારવાનો કોર્ટમાં ઈનકાર કરી દીધો છે. જગદીશ પટેલનું ફેમિલી ગ્રુપમાંથી છૂટું પડી જતાં તેમની સાથે રહેલા બાકીના 11 લોકો બોર્ડર ક્રોસ કરીને અમેરિકા પહોંચી ગયા હતા.news videosTimesXP GujaratiUpdated: 30 May 2023, 5:22 pm