ડિસેમ્બરમાં દુબઈથી ત્રણ ડોંકી ફ્લાઈટ ઉપડી હોવાનું સામે આવ્યું, પરંતુ તેનો સાચો આંકડો કેટલો?
1012 views
સમાચાર વીડિયો ના વિડીયોને સબસ્ક્રાઈબ કરો21 ડિસેમ્બરે દુબઈથી ઉપડેલી નિકારાગુઆની ચાર્ટર્ડ ફ્લાઈટમાં 96 ગુજરાતીઓ અમેરિકા પહોંચવાના હતા, પરંતુ ફ્રાંસે આ ફ્લાઈટને પકડી લેતા તેમને રિટર્ન થવાનો વારો આવ્યો હતો. જોકે, આ ફ્લાઈટ ટેક-ઓફ થઈ તેના લગભગ બે-ત્રણ દિવસ પહેલા બીજી એક ડોંકી ફ્લાઈટ પણ નિકારાગુઆ ગઈ હતી, જેણે જર્મનીમાં હોલ્ટ કર્યો હતો. આ સિવાય ડિસેમ્બર મહિનામાં જ છઠ્ઠી તારીખે વધુ એક ચાર્ટર્ડ ફ્લાઈટથી મોટી સંખ્યામાં ગુજરાતીઓ નિકારાગુઆ ગયા હોવાની માહિતી પોલીસ તપાસમાં બહાર આવી છે, અને આ ફ્લાઈટ પણ દુબઈથી જ ઉપડી હતી. મતલબ કે, માત્ર ડિસેમ્બરમાં જ દુબઈ એરપોર્ટ પરથી ત્રણ ડોંકી ફ્લાઈટ્સ ઓપરેટ કરાઈ હોવાની માહિતી અત્યારસુધી બહાર આવી છે, પરંતુ તેનો સાચો આંકડો હજુય વધુ હોવાની પૂરી શક્યતા છે. ફ્રાંસમાં જે ફ્લાઈટ પકડાઈ ત્યારબાદ એવું પણ જાણવા મળ્યું હતું કે દુબઈમાં જે ગુજરાતીઓનું ગ્રુપ નિકારાગુઆ જવા માટે તૈયાર હતું તેને એજન્ટોએ રાતોરાત જ ઈન્ડિયા રિટર્ન મોકલી દીધું હતું. જોકે, ગુજરાત પોલીસે હજુ સુધી તેની કોઈ પુષ્ટિ નથી કરી.