અમેેરિકામાં શરણાગતિ મેળવવા ગુજરાતીઓ કેવા જૂઠ્ઠાણા ચલાવે છે?
Curated byNavrang Sen|I am Gujarat|24 May 2023
અમેરિકામાં જેટલા ગુજરાતીઓ કાયદેસર રીતે જાય છે તેનાથી ઘણા વધારે ગેરકાયદે રીતે જાય છે. મેક્સિકો કે પછી કેનેડાની બોર્ડર ક્રોસ કરીને અમેરિકામાં ઘૂસવાના પ્રયાસમાં દર વર્ષે હજારો લોકો પકડાઈ પણ જાય છે. જોકે, આ લોકોને છોડાવવાથી લઈને તેમની શરણાગતિની અપીલ કરવા સહિતની તમામ તૈયારી એજન્ટોએ પહેલાથી જ કરી રાખી હોય છે, અને તેમની પાસેથી અમેરિકા પહોંચાડવા માટે જે રકમ વસૂલવામાં આવે છે તેના પેકેજમાં આ બાબતનો પણ સમાવેશ થાય છે. જોકે, અમેરિકામાં શરણાગતિનો કેસ લડવા માટે આ લોકોને અલગથી વકીલ રોકીને તેને ફી આપવી પડતી હોય છે. સૂત્રોનું માનીએ તો આવા અનડોક્યુમેન્ટેડ ગુજરાતી ઈમિગ્રન્ટ્સને વકીલ અલગ-અલગ પેકેજ ઓફર કરતા હોય છે. જેમાં તેમનો કેસ કયા તબક્કા સુધી લડવાનો છે તે અનુસાર ફીની રકમ નક્કી થતી હોય છે, જે 10 હજાર ડોલર સુધીની હોઈ શકે છે.
