સુરતમાં દારૂના નશામાં કાર ચાલકે યુવકને ફંગોળ્યો, બોનેટ પર ટિંગાયેલા શખસને 2 KM ફેરવ્યોસુરતઃ ગુજરાતમાં અત્યારે માર્ગ અકસ્માતના કિસ્સાઓ સતત વધી રહ્યા છે. તેવામાં યુવકો બેફામ ગાડી ચલાવીને અવાર નવાર અકસ્માતો કરતા હયો છે. તથ્ય પટેલના કિસ્સા બાદ સુરતમાં સતત બીજો કાર અકસ્માતનો ગંભીર કિસ્સો બન્યો છે. જેમાં દારૂના ચિક્કાર નશામાં યુવકે એક વ્યક્તિને ફંગોળ્યો હતો. એટલું જ નહીં આ દરમિયાન વ્યક્તિ તેની ગાડીની બોનેટ આગળ આવી જતા તેણે પૂર ઝડપે દોડાવી હતી. જેથી પોતાનો જીવ બચાવવા માટે આ શખસે બંને કાચને પકડી રાખ્યા હતા. જેથી કરીને તેનો જીવ બચાવવા માટે આ શખસ આમ તેમ બુમો પાડી રહ્યો હતો. આ સમગ્ર ઘટનાક્રમનો વીડિયો અત્યારે સોશિયલ મીડિયામાં વાયરલ થઈ રહ્યો છે.